شەفەق نیوز/ نووسینگەی ماف مرۆڤ لە دیالە، ئمڕوو دووشەممە، ئاشکرا کرد لە بەرزەوبوین رێژەی خوەیکوشتنەگان لە پارێزگاگە ئەرا زیاتر لە ٤٠٪ لەماوەی ساڵەیل گوزەیشتە لەوەر هووکارەیلیگ جووراجور..
سەڵاح مەهدی موجمەعی ئەرا ئاژانس شەفەق نیوز وت: خوەیکوشتنەگان لە سێ ساڵەیل گوزەیشتە بەرزەوبوین رخبەریگ لە دیالە وەخوەیان دین، لەناونی ٤٠ تا ٤٥٪ لەوەر هووکار ورەوشەیلیگ جووراجور، زاقتریان هەژاری و بیکاری وگرفتەیل دەروونی و کۆمەڵایەتیە وەگەرد توندوتیژی خیزانی و کاریگەری خراو وە ماڵپەڕەیل پەیوەندیە کۆمەڵایەتیەگان و بەد وەکارهاوردنیان.
موجەمعی ئاماژە کرد ئەرا دەرکەفتن هووکارەیلیگ تر هیشتن خوەیکوشتنەگان بەرزەوبوون جوور خیانەت هاوسەرگیری و پەیوەندیە ناشەرعیەگان لە بان ماڵپەڕەیل پەیوەندیە کۆمەڵایەتیەگان، و ئاشکراکرد لە گونجانن و پویچەڵکردن خوەیکوشتنەیلیگ لەڕاسەو روودانە بەڵکم لەوەر هووکارەیلیگ کۆمەڵایەتی نەڕەسینە دەسەڵاتە ئەمنیەگان.
وتیش فرە لە خوەیکوشتنەگان وە سزانن و حەپ خواردن و ژەهر بویە و وەخوەیکوشتن تۆمار نەکریانە، وبەشیگ لەلیان چارەسەری کریانە.
ئامارە فەرمیەگان لە دیالە دووپاتکەن لە تۆمارکردن ٤٠ خوەیکوشتن و تەقەلای خوەیکوشتن ئەرا هەردوگ رەگەزەگە لەوەر هووکارەیلیگ جووراجور.