شەفەق نیوز/ وەزارەت تەندروسی وژینگەی عراق، ئمڕوو جمعە، راگەیان تۆمارکردن نزیکەی ١٠٠٠ تووشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە لە گشت ناوچەو شارەگان عراق، لە بەرزەوبویگ لە رێژەی تووشهاتنەگان وەگورەی رووژەیل گوزەیشتە ک داوەزین ئاشکرایگ وەخوەیان دین.
وەزارەتەگە لە بەیاننامەی هەڵوێست پەتاگەی ئمڕوو وت: ٩٤٥ تووشهاتن نوو تۆمار کرد تا گشت ژمارەی تووشهاتنەگان بڕەسێدە ٦١٨١٤٧.
وتیش؛ ١٢٨٠ بیمار لە پەتاگە خاسەو بوین تا گشت ژمارەی خاسەوبویەگان بڕەسێدە ٥٨٩٥٤٠.
وەزارەتەگە ئاماژە کرد لە مردن ١٢ کەس لە وەر پەتاگە تا گشت ژمارەی مردنەگان بوودە ١٣٠٣٦.