شەفەق نیوز/ باڵیۆزخانەی ئیرانی لە بەغداد، ئمڕوو دووشەممە، بەیاننامەیگ دەربارەی پەلامار ناڕەزایل لەبان قونسڵیەگەی لە کەربەلا، و رووداو کوشتن چالاکوان مەدەنی ئیهاب وەزنی دەرکرد.
باڵیۆزخانەگە لە بەیاننامەیگ رەسیە ئاژانس شەفەق نیوز وت: وە سەختترین قسەیل شەرمەزار کوشتن چالاکوان مەدەنی ئیهاب وەزنی کەێد، و باس لە هاوخەمی خوەی لە خیزان و کەسوکارەیلی کەێد، و ئیران لە گشت گرفت و گیچەڵ و قەیرانەیل و تا ئیسە لەشان حکومەت و گەل عراق وسیاگە، و ئی هەڵوێستە چەن جاریگ و لە قۆناغەیل جووراجوریگ تۆمار کریا.
و دیاری کرد ک شکانن داعش تیرۆرست و پێشکەشکردن شەهیدەیل و تیکڵابوین خوین هەردوگ وڵاتەگە لەڕی شکانن تیرۆر خوەیان نموونەیگ لەوەن، ک بویە هووکار لەناوبردن تیرۆر و رزگارکردن ئەو ناوچەیلە لەدەس داعش.
باڵیۆزخانەگە وتیش؛ ئیران چەنای چەنیگ پاڵپشتی سەروەری و سەڵامەتی خاک عراق کردگە وپاڵپشتی عراق لەی ریە کەێد تا زیاتر وەهێزەو بوود، ئەوەیش لە بتەوکردن ئاسایش وەردەوام لەی وڵاتە.
وتیش؛ دابینکردن بەشە گرنگترینەگە لە خوازینەیل کارەبا و گاز لە عراق ک هاوکاری لە خوەشگوزرانی گەل عراق دەێد و گەشە وەی وڵاتە کەێد لەبان گشت ریگرەیل، و هەمیش هەناردەی خزمەتەیل هونەری و ئەندازیاری وە شیوەیگ راستەوخۆ لەی چینە بوود.
دەربارەی پەلامار بان قونسڵیەگەب لە کەربەلا، باڵیۆزخانەگە جەخت کرد ک بایەدە پەلامارەیل لە شوینە دیبلۆماسیەکان وەزوی بوسیەنەو تا مەردمەگە لە خزمەتگوزارییەکان بیبەش نەوون.
وتیش؛ چەوەڕی لە دەزگا ئەمنیە پەیوەندیدارەکان کەیمن ریکارەیل زویگ بوەن تا ئەوانەگ چالاکوانە مەدەنیەگە کوشتن بناسن و وەشوینیان بکەفن و هەمیش ئەوانەگ پەلامار قونسڵەیەی گشتی کۆمار ئیسلامی ئیران لە کەربەلای پیرووز دان ری نەیەن ک ئی کارەیلە بوونە گیچەڵیگ لە پێشکەشکردن خزمەتگوزارییەکان ئەرا هاووڵاتیەیل لە پارێزگای کەربەلا و پارێزگایل دەورگردی.
و داوا لە هاووڵاتییەیل و خۆپیشاندەرەکان و گەنجەیل عراق کرد پەلامار شاندە دیبلۆماسیەکان و قونسڵیەیل وەهەر شیوەیگ نەیەن، چوینکە ئیجوور کارەیلیگ ناکۆکی خەێدە پەیوەندیەیل ناوبەین دوو وڵاتەگە و گیچەڵ خەێدە پێشکەشکردن خزمەتگوزارییە کۆمەڵایەتیەکان ئەرا خەڵک پارێزگایل عراق.
و دووپات کرد ک ئیران قەت داوای کوشتن هاووڵاتییەیل عراقی نەکردگە و نێکەێد، بەڵکم و سەختترین قسەیل شەرمەزار کارە تیرۆریەکان کەێد، کۆمار ئیسلامی ئیران هەمیشە ئاسایش و ئاشتی و خوەشگوزرانی ئەرا گەل عراق خوازێد.