شەفەق نیوز/ سەرچەوەیگ خۆجێیی لە پارێزگای بەسرە، ئمڕوو چوارشەممە، خەوەردا ک بڕیگ گامیش بوینە هووکار رویداویگ لەبان ری بەسرە – فاو.
سەرچەوەگە ئەرا ئاژانس شەفەق نیوز وت: ماشینیگ ساڵۆن شەفەق ئمڕوو، لەبان ری (مەرگ) بەسرە – فاو دالە بڕیگ گامیش، لەسەر ئەوە ک رووشنایی لەبان ریەگە نییە، ک وەکوتپڕ کەسیگ کوشیا و کەسیگ تریش زەخمدار بوی.
وتیش: هیزیگ ئەمنی رەسیە شوین رویداوەگە وهاوکاری تیمیگ پزشکی تەرمەگە بریا پزشک یاسایی، و زەخمدارەگە رەسیا خەسەخانە.