شەفەق نیوز/ فەرماندەی پۆلیس بابل، ئمڕوو چوارشەممە، راگەیانن ئاشکراکردن ووردەکاریەیل تاوان کابرایگ لەبان ژنەگەی لە باکوور پارێزگاگە، دویای تۆمارکردن خوەیکوشتتی ئەرا خەڵەتانن داد.
عەمید محمد حسێن جایع وەڕێۆبەر بەش دژە تاوان لە فەرماندەگە لە بەیاننامەیگ رەسیە ئاژانس شەفەق نیوز وت: دویای رەسین خەوەرەیل لە تەرم ژنیگ لەناو پزشک دادوەری بابل، وەسێدارەدان وە لەچکیگ بەسیاسە قڵی پانکەی ڤەواسەگە وەگورەی قسەیل خاوەنی ک گوایە خوەی کوشتگە، و ئەو گومانە ک لە تاوانیگ کوشتەنی پەیا بوی، لیوا ئەندازیار عەلی هیلال شەمەری فەرماندەی پۆلیس بابل فەرمان دروسکردن تیمیگ ئەرا ئاشکراکردن بندروس ووردەکاریەیل رووداوەگە دا.
وتیش: وە کەمتر لە ٢٤ ساعەت، تیمەگە و هاوکاری وەگەرد دەسەڵات دادوەری توێنست ووردەکاریەیل تاوانەگە شیەو بکەێد، و بکوشەگە بگرێد ک خوەی شوی قوربانیەگە بوی، و وئاشکرای تاوانەگەی کرد، ک خوازێد ژنەگەی لەناو بەێد لەوەر دڵداریی وەگەرد دوێەتیگ تر.