شەفەق نیوز/ سەرچەوەیگ ئەمنی لە پارێزگای زیقار، ئمڕوو دووشەممە، خەوەردا ک ماڵ پیاویگ خاوەن کاروبار کەفتە وەر پەلاماریگ چەکدار لەناوڕاس پارێزگاگە.
سەرچەوەگە ئەرا ئاژانس شەفەق نیوز وت: چەکدارەیلیگ لەناو ماشینیگ تەقە لە ماڵ خاوەن کاروباریگ وەناو (محمد دنیف) خاوەن شار ئاوین لەناوڕاس شار ناسریە کردن.
سەرچەوەگە دیاری کرد ک پەلامارەگە بویە هووکار زەرەدەیلیگ دارایی لە روی ماڵەگە، و چەکدارەیلە وەرەو شوین نادیاریگ واین، وتیش؛ دنیف سکاڵا لەبان پەنج کەس لە خەڵک شەترە باکوور پارێزگای زیقار تۆمار کرد لەبان ناکۆکیەیلیگ کۆنە لەناوبەینیان.