شەفەق نیوز/ سەرچەوەیگ پزشکی، ئمڕوو چوارشەممە، خەوەردا لە بەرزەوبوین ئامار ئەو مرافەی هووزانە ک لە پارێزگای میسان باشوور عراق قومیا. 

سەرچەوەگە ئەرا ئاژانس شەفەق نیوز وت: شمارەیل کوشیایل مرافە هووزانە سەختەگە لە عمارە رەسیە ٨ کوشیان، ک هیمانیش وەردەوامە، وەبی زانستن هووکار ئی مرافە.  

وەرجەیە، سەرچەوەیگ ئەمنی لە پارێزگای ميسان خەوەردا لە مرافەی هووزانەی سەختیگ لە باشوور پارێزگاگە.   

سەرچەوەگە ئەرا ئاژانس شەفەق نیوز وت: مرافەی هووزانەی سەختیگ لە ناحیەی عەزیز باشوور پارێزگاگە کەفتە ناوبەین کەسەیلیگ لە هووز بخیت، رەسیە وەکارهاوردن چەک سووک و ناوڕاس.