شەفەق نیوز/ دەرویش جوکی ئەندام نویسینگەی کاروبار رفیایەیل لە شنگال، ئمڕوو چوارشەممە، ئازادکردن دوو دویەت ئێزدی لەناو کامپ هۆل لە حەسەکەی سوریا راگیان.
جوکی ئەرا ئاژانس شەفەق نیوز وت: سەوسەن حەیدەر لە تەمەن ٢٣ ساڵان، و وەفا عەباس، خەڵک ئاوای کوجو لە ساڵ ٢٠١٤ لەلایەن ئەندامەیل داعش لە شنگال رفیان.
دیاری کرد ک ئازادکردن ئەو دوو دویەتە دویای وەشکین ناو کامپەگە وەلایەن هیزەیل هەسەدە رەسیە ئەنجام.
وەرجەیە، سەرچەوەیگ ئەمنی ئەرا ئاژانس شەفەق نیوز وت: وەفا عەباس رەسیە لای باوانی لە هەرێم کوردستان.
وەگورەی فەرمانگەی کاروبار رفیایەیل، زیاتر لە ٢٧٠٠ ژن و مناڵ ئێزدی هیمان لەلای ریخریاگ داعش رفیانە.