شەفەق نیوز/ دەزگایەیل ئەمن عراقی، ئمڕوو جومعە، خەوەردان لە دەسگیردن دەیان چزدەر لە شمارەیگ پارێزگا ک بەغدایش هاناویان.
دەزگاگە لە بەیاننامەیگ ئمڕوو وت، مەفرەزەی دەزگایەیل لە بەغداو پارێزگایەیل ئەرکەیل جیاواز ئەنجامدانە و توەنستنە لەو ماوە (28) چزدەر دەسگیر بکەن ک یەکیگیان داوای 50 ملیۆن لە کەسیگ کردیە لە وەرانوەر بڵاونەکردن وینەیل خانەوادەی لەبان تووڕ کۆمەڵایەتی.
وەپای بەیاننامەگە کارەیل دەسگیرکردنەگە وە ئۆپراسیۆنەیل تونیگ ئەنجامدریانە و دەسگیرکریانە، لە دویایش دریانەس دەس لایەنەیل تایبەت تا سزای پێویست وربگرن.