شەفەق نیوز/ سەرچەوەیگ پزشکی لە پارێزگای سەڵاحەدین، ئمڕوو پەنجشەممە، خەوەردا لە مردن سەرکردەیگ لە حەشد شەعبی لەوەر پەتای ڤایڕۆس کۆڕۆنا.
سەرچەوەگە ئەرا ئاژانس شەفەق نیوز وت: عەشم سەبهان خەڵەف جبوری فەرماندەی لیوای ٥١ لە حەشد شەعبی، ئمڕوو، لەوەر تووشهاتنی وە ڤایڕۆس کۆڕۆنا مرد.
وتیش؛ جبوری وەرجە چەن هەفتەیگ تووش کۆڕۆنا هات، و تەقەلایل پزشکی لە چارەکردنی سەرنەکەفتن.
جی باسە ک جبوری دویای رزگارکردن قەزای شەرقات لە کەس داعش لە ساڵ ٢٠١٦ پۆست فەرماندەی لیوای ٥٢ وەرگرد.
لەلای خوەییش، دەزگای حەشد شەعبی لە بەیاننامەیگ وت: فەرماندەی لیوای ٥١ لە حەشد شەعبی، عەشم سەبهان خەڵەف جبوری، ئمڕوو لەوەر بیماری سەختیگ لەناو یەکیگ لە خەسەخانەیل هەولێر گیانی لەدەسدا.