شەفەق نیوز/ وەزارەت ناوخۆی عراق، ئمڕوو سێشەممە، راگەیان دەسناین وەبان پەنج موشەک لەچین "ستریلا" لە پارێزگای دیالە.
وەزارەتەگە لە بەیاننامیگ رەسیە ئاژانس شەفەق نیوز: مەفرەزەیل بەش پۆلیس بوهرز وە هاوکاری بەش دژە تەقینەوە، توەنستن دەس بنەنە بان پەنج موشەک لەچین (ستریلا) هن چەتەیل داعـــش تیرۆرست.
بەیاننامەگە دیاری کرد ک پەیاکردن ئەو موشەکەیلە لە کاریگ وەرجەوەختی لەناو یەکیگ لە بووسانەیل ناحیەی بوهرز جیوەجی کریا.