جەلال خەڵەف وەڕیەوبەر ئیدارەی قائیمقامیەت قەزای شنگال ئەرا ئاژانس شەفەق نیوز وت: قەورسانەگە نزیک هوتێلیگ لەناو سەنتەر قەزای شنگال پەیا کریا.
دیاری کرد ک ئی قەورسانە یەکەمە لەی جویرە ک روفات ٤ کەس شیعە هاناوی، لە ژن و مناڵ، ک خانەوادەی سەعەد ئەحمەد ئەعڕەجیە وەرپرس وەقف شیعی لە شنگال.
لەلای خوەییش، نێچیروان سڵیمانی قسەکەر لێکۆڵینەوە و گردەوکردن زانیاری لە حکومەت هەرێم کوردستان، ئەرا ئاژانس شەفەق نیوز وت: ئی قەورسان نووە مەوقەی چاڵکەنین ئەرا بیناکردن مەکتەو نوویگ لە قەزای شنگال پەیا کریا، ک کراکارەیل پارچە پەڕوو دەڵنگ و سوخان ئایەم پەیا کردن، و ئاگادار لایەنەیل پەیوەندیدار کردن.
وەگورەی قسەی دەزگای لێکۆڵینەوە و گردەوکردن زانیاری لە دهۆک، شمارەی کۆمەڵە قەورسانەیل ک تا ئیسە لە ناوچەیلیگ جیاجیا لە قەزای شنگال پەیا کریانە رەسیە ١٠٩ قەورسان.
ئمڕوو سێشەممە، دەزگایل ئەمنی قەورسانیگ پەیا کردن، لە سەردەم داگیرکردن پارێزگای کەرکوک وەلایەن ریخریاگ داعش.