شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە پەیاکردن تەرم پیاویگ لەناو ماڵەگەی لە باکوور خوەرئاوای بەعقوبە ناوەند پارێزگاگە.
سەرچەوەیگ ئەمنی وە ئاژانس شەفەق نیوز وت" دەزگایەیل ئەمنی، ئمڕوو، تەرم پیاویگ وە شیەوکریایی پەیاکردنە لە دویای پەنج رووژ لە مردنەگەی لەناو ماڵ خوەی لە ناحیەی هبهب".
وتیش" تەرمەگە کابرایگ 45 ساڵانە لەناو ماڵەگەی کوشیاگە وە هوکار نادیاریگ"، دیاریکرد" تەرمەگە ئەرا پزیشک دادوەری کلکریاس و لێکۆڵینەوە ئەرا ئاشکەراکدن هوکار مردنەگەی و چوینیەتیەگەی وازکریاس".