شەفەق نیوز/ سەرچەوەیگ لە نەینەوا، ئمڕوو سێشەممە، خەوەردا لە کوشیان دۊتیگ وە ئاگر لەیەکیگ لە ناوچەیل پارێزگاگە، دۊای ئەوە ک قمشی نەکرد لەش خوەی بخەێدە وەرچەو.
سەرچەوەگە ئەرا ئاژانس شەفەق نیوز وت: ئاگر لە ماڵیگ لە ناحیەی قەیارە لە پارێزگای نەینەوا هەڵسیا، و بۊە هووکار سزیان دۊتیگ بیس ساڵان و کوشیانی.
سەرچەوەگە دیاری کرد ک ئاگر رەسیە دڵنگەیل دۊتەگە ک وەزۊ دەرچیە جادە، ئیجا لەوەر دڵنگەیل دڕیاگی شەرمی هات، و دووارە شەرمی لە خوەی هات هەنای دی هاوسایلە تیەنە نزیکی تا ئاگرەگەی کپەو بکەن، ئەراوە دووارە وەرەو ناو ماڵەگە گلەو خوارد.
سەرچەوەگە وتیش: دۊتەگە لەناو ماڵەگە مەن، تا ئاگرەگە وەتەواو سوزانەی، و مردن لەلای خاستر بۊ لەوەگ لەش خوەی بخەێدە وەرچەو مەردم.