وەڕێوبەر راگەیانن دەسەگە، عامر جابری وە ئاژانس شەفەق نیوز وت، " خەوەریگ بڵاوبویە لەبان تووڕەیل کۆمەڵایەتی کە وڵاتەگە لەماوەی چەن رووژ ئایندە کەفێدە ژیر کاریگەری واران تون و رفتیگ".

دووپاتکرد، " دەسەی کەشناسی هویچ نیشانەیگ دیاری نەکردیە لەباوەت ئەوەگ وڵاتەگە کەفێدە ژیر کاریگەری  واران رفت و تونیگ، ئەگەر دەرفەتیگ واران وارین بوود ئەوە بەش کەشناسی راپۆرتیگ ئامادەکەێد".

 وتیش " ئەو وارانە كە لە رووژەیل گوزەشتە واری و ئەوەگ لەماوەی چەن رووژ ئایندە وارێد وارانەیل سوکیگن و تاقمەگلێ تریشقەش هاوەگەردیا" وتیش " واران رفت  و تون لە مانگ تەشترین دویەم دەسوەپی کەێد".

دیاریکرد " لە 22 تەشرین یەکەم ساڵ 2022، واران فرەیگ واریە بویە مدوو دروسبوین لاو و لافاو لە گشت ناوچەیل عراق، و نقومبوین ناوچەیل فرەیگ لە دیوانیە و نەجەف، و هەمیش دروسبوین لافاو لە باکوور، و لە هەر دەرفەتیگ لەی جویرە ئیمە راپۆرت بڵاوکەیمن".