شه‌فه‌ق نيوز/ نيكۆڵ بيلۆبيه وه‌زير داد فه‌ره‌نسى، ئاشكراى ئه‌وه كرد وه‌ل وڵاته‌يل ئۆرپى باس له دامه‌زرانن دادگايگ ناوده‌وڵه‌تى كردگه له عراق ئه‌را دادگاييكردن تيرۆريسته‌يل بيگانه له ريكخرياگ تيرۆريستى داعش.
بيلۆبيه له لێدوانيگ ئه‌را ئێزگه‌ى مۆنتى كارلۆ، وت: ئى فه‌رزيه‌ى دامه‌زرانن دادگاى وه‌ل بڕيگ له هاوكاره‌يلم له وه‌زاره‌ت ناوخوه‌يى و داد له‌بان ئاست ئۆرپا خستيمه‌سه روێ و ئى تاوتوێكردنيشه له چوارچێوه‌ى كۆمه‌ڵه‌ى فندۆم بويه ك وه‌زيره‌يل داد ئه‌ڵمانى و ئسپانى و ئيتاڵى له‌خوه‌ى گرتگه.
وه‌زير داد فه‌ره‌نسى هه‌ميش وت: ئى دادگا ك دامه‌زريه‌ێد ته‌نيا له‌وه‌ر فه‌رزه‌زيه‌ى كاره‌و شايه‌ت له عراق دامه‌زريه‌ێد و ئه‌تويه‌نێد كار هاوبه‌ش وه به‌شدارى دادوه‌ره‌يل ئۆرپى و فه‌ره‌نسى و عراقى ئه‌نجام بيه‌ێد.
جى باسه، يه‌يش له‌وه‌ختيگه ك حوكم له‌سێداره‌داين له‌بان 11 فه‌ره‌نسى ده‌رچێ ك له‌سوريا ده‌سگير كريان و له عراق حوكم دريان له‌وه‌ر ئنتمايان ئه‌را ريكخرياگ تيرۆريستى داعش، ك يه‌يش ره‌خنه‌يل فريه‌يگ له فره‌نسا له‌لى كه‌فته‌و وه‌تايبه‌ت له‌لايه‌ن پارێزه‌ره‌يل تايبه‌ت له مه‌سه‌له‌يل تاوانكارى.