شه‌فه‌ق نيوز/ مايك په‌مپيۆ وه‌زير خارجيه‌ى ئه‌مريكا، له‌ڕێ په‌يوه‌ندييگ ته‌له‌فۆنى داوا له عادل عه‌بدولمه‌هدى سه‌رۆك وه‌زيره‌يل كاروه‌ڕيكه‌ر عراقى كرد مقه‌يه‌تى له سه‌روه‌رى عراق بكا له روێ وه‌ڕوێ بوينه‌وه‌ى ئه‌و په‌لاماره‌يل ئيرانيه ك باڵيۆزخانه‌ى وڵاته‌يل يه‌كگرتگ له به‌غدا ئه‌گرنه ئامانج.
وه‌زاره‌ت خارجيه‌ى ئه‌مريكى له به‌ياننامه‌يگ وت: په‌مپيۆ له‌ڕێ په‌يوه‌ندييگ ته‌له‌فۆنى ناڕه‌حه‌تى خوه‌ى ده‌رخستگه وه‌رانوه‌ر په‌لاماره‌يل دوباره‌كرياێ گرووپه‌يل چه‌كدار سه‌ر وه‌ئيران ئه‌را باان دامه‌زرياگه‌يل ئه‌مريكى له عراق.
له‌لايگ تره‌و وه‌زير خارجيه‌ى ئه‌مريكا له تويته‌ر نويساگه: بايه‌سه له‌بان حكومه‌ت عراقى رێ وشوونه‌يل گورجيگ بگرێده‌وه‌ر ئه‌را مقه‌يه‌تيكردن له دامه‌زرياگه‌يل دبلۆماسيمان جوور ئه‌وه‌گ ياسايى ناوده‌وڵه‌تى ئاماژه وه‌پى ئه‌كا و باس له‌وه‌يش كردگه په‌لامارداين باڵيۆزخانه‌ى ئه‌مريكى له به‌غدا هه‌وڵيگ بويه ئه‌را ئه‌وه‌گ عراق و كۆمه‌ڵگاى ناوده‌وڵه‌تى ئاگادار بوون له‌و كوشتن وه‌حشيانه ك له‌لايه‌ن ئيرانه‌و وه‌كراگيرياگه‌يلى وه‌رانوه‌ر خوه‌ينيشانده‌ره‌يل ئاشتيخواز عراقى ئه‌نجام ئه‌دريه‌ێد.