شه‌فه‌ق نيوز/ مايك په‌مپيۆ وه‌زير خارجيه‌ى ئه‌مريكا، ئه‌و كاره‌يل تون وتيژيه ك روێدا له شار نه‌جه‌ف و شاره‌يل تر عراقى شه‌رمه‌زار كرد ك له‌تى شماره‌يگ له خوه‌ينيشنده‌ره‌يل كوشيان و زه‌خمدار بوين.
په‌مپيۆ داوا له ده‌سڵاته‌يل عراقى كرد رێ وشوون ياسايى ئه‌را موحاسبه‌كردن ميليشيايه‌يل و گرووپه‌يل چه‌كدار له شار نه‌جه‌ف و شاره‌يل تر عراق بگريه‌ێد وه‌ر ك تون وتيژى دژ وه خوه‌ينيشانده‌ره‌يل ئه‌يه‌رنه كار.
جى باسه، وه‌زير خارجيه‌ى ئه‌مريكا له به‌ياننامه‌يگ وت: بايه‌سه موحاسبه‌ى ئه‌و لايه‌نه‌يل سياسيه بكريه‌ێد ك هان مه‌ردم ئه‌يه‌ن له‌بان وه‌كارهاوردن تون و تيژى دژ وه خوه‌ينيشانده‌ره‌يل ئاشتيخواز و ئه‌و وه‌رپرسه‌يل حكومه‌ته ك شكه‌ست هاوردن له مقه‌يه‌تيكردن خوه‌ينيشانده‌ره‌يل.