شه‌فه‌ق نيوز/ مايك په‌مپيۆ وه‌زير خارجيه‌ى ئه‌مريكا، باس له‌وه كرد ك ملله‌ت عراقى خوه‌ى په‌يوه‌نديداره وه دامه‌زرانن حكومه‌ت نه‌ك ميليشيايه‌يل سه‌ر وه كه‌تيبه‌يل حزبوڵڵا.
په‌مپيۆ له كۆنگره‌يگ رووژنامه‌گه‌رى وت: ملله‌ت عراقى خوه‌ى په‌يوه‌نديداره وه‌ى مه‌سه‌له‌و حزبوڵڵا نه‌بايه‌د سه‌رۆك وه‌زيره‌يل ئاينده فه‌رز بكا، باس له‌وه‌يش كرد ك بايه‌سه له‌بانمان وه‌رده‌وام بويمن له بنياتناين عراقيگ سه‌روه‌خوه‌ى دوير له تێكه‌ڵكردنى وه كاره‌يل تايفى.
جى باسه، په‌مپيۆ هه‌ميش وت: بايه‌سه له عراق رێ له حاڵه‌ته‌يل هه‌ڕه‌ه‌شه‌و ترس بگيريه‌ێد و بايه‌سه له‌بان سه‌رۆك وه‌زيره‌يل ئاينده هوير له ئيراده‌ى ملله‌ت بكا و وه‌رده‌وام بدێ له پرووسه‌ى ئاشتى و داواكاريه‌يل خاسسازى.