شه‌فه‌ق نيوز/ وڵاته‌يل يه‌كگرتگ ئه‌مريكا، ئاشكراى ئه‌وه كرد موكافئه‌يگ دارايى ئه‌ياد ك ئه‌ڕه‌سێده 10 مليۆن دۆلار له وه‌رانوه‌ر هه‌ر زانيارييگ له‌باره‌ى چالاكيه‌يل و تووڕه‌يل و هاوبه‌شه‌يل محه‌مه‌د كه‌وسه‌رانى سه‌ركرده له حزبوڵڵاى لوبنانى ك تومه‌تبار كرياگه وه ئه‌نجامداين رۆڵ سه‌ره‌كى له هه‌ماهه‌نگه له‌ناونى گرووپه‌يليگ لايه‌نگر ئيران له عراق.
له‌ى باوه‌ته‌و، وه‌زاره‌ت خارجيه‌ى ئه‌مريكى له به‌ياننامه‌يگ وت: محه‌مه‌د كه‌وسه‌رانى وه‌رپرس گه‌ورايگه له هيزه‌يل حزبوڵڵا له عراق و به‌شيگ له هه‌ماهه‌نگى سياسى وه‌رگرتگه ئه‌را گرووپه‌يليگ نيمچه سه‌ربازى سه‌ر وه ئيران، ك زويتر ئى هه‌ماهه‌نگيه له ئه‌رك قاسم سوله‌يمانى بوێ.
واشنتۆن باوه‌ڕى ئه‌وه‌سه كه‌وسه‌رانى ك ناوى له ليست سيه‌ى ئه‌مريكى له تيرۆر هاتگه له‌ساڵ 2013ه‌وه، چالاكى گرووپه‌يل سه‌ر وه ئيران ئاسانه‌و ئه‌كا له‌ده‌يشت ده‌سڵات حكومه‌ت عراقى له‌وه‌ر خاتر نه‌هيشتن خوه‌ينيشانده‌ره‌يل وه تون وتيژى يا په‌لامارداين نوێنه‌رايه‌تيه‌يل دبلۆماسى بيگانه له عراق.