شه‌فه‌ق نيوز/ وه‌زاره‌ت گه‌نجينه‌ى ئه‌مريكى، ئاشكراى ئه‌وه كرد وڵاته‌يل يه‌كگرتگ سزايه‌يلى له‌بان ئيران فراوانتره‌و كردگه‌و سزاى تازه له‌بان عه‌لى ئه‌كبه‌ر ساڵحى سه‌رۆك ريكخرياگ وزه‌ى ئه‌تۆمى ئيرانى و خود ريكخريايه‌گه چه‌سپانگه.
وه‌زاره‌ته‌گه له به‌ياننامه‌يگ وت: ئيسه ئسووڵيه‌تى سڕ كرياگه(ريكخرياگ وزه‌ى ئه‌تۆمى ئيرانى)له وڵاته‌يل يه‌كگرتگ، ئه‌ويش وه‌گووره‌ى بنه‌مايه‌يل گشتى و بيجگه ئه‌وه‌يش هه‌ر مامڵه‌يگى ئه‌چێده چوارچيوه‌ى لايه‌ن سێيه‌م سزايه‌يل لاوه‌كى.
جى باسه، ئاژانس روێته‌رز له زووان سه‌رچه‌وه‌يليگ ئاگادار وت: وڵاته‌يل يه‌كگرتگ ئه‌خوازێد جيوازيه‌يليگ ده‌ربكا ئه‌را ئه‌و سزايه‌يله ك نواگيرى له كۆمپانيايه‌يل غه‌يره ئه‌مريكى ئه‌كا كار وه‌ل دامه‌زرياگه‌يل ئه‌تۆمى ئيرانى بكه‌ن ئه‌را ماوه‌ى 60 رووژ، ك ئى كاريشه وه‌رده‌وامى ئه‌ياده كار له‌باره‌ى بڵاونه‌كردنه‌وه‌ى چه‌ك ئه‌ۆمى، له‌وانه‌يش له ويستگه‌ى بوشه‌هر و دامه‌زرياگ ئارام و كارخانه‌يل تر توێژينه‌وه‌ى ئه‌تۆمى له ته‌هران.