وەگەرد نزیکبوین جهان لە وەرگردن واکسین کۆڕۆنا، پرسیار فرەیگ کەن کەی و چوون توێنن گلەوبخوەن ئەرا ژیان سرووشتییان؟، واتە واز لە دەمامەک بارن و کارکردنیان لەماڵ بووسنن و دۆیرەوکەفتن کۆمڵایەتی بشکنن، واتە راگەیانن کۆتایی ئی پەتا ک شەکەت ئایەم کرد.
لەناوبردن پەتای کۆڕۆنا ئەرا رادەی فرەیگ لەبان دابینکردن واکسین گونجیاگیگ وسیاگە، ک پسپۆڕەگان مەزەنە کەن لە سەرەتای ساڵ ئایندە ئامادە بوود، دویای تاقیکردنەوەیلیگ لە چەن شوونیگ لە جهان.
بەڵکم وەدەسهاوردن واکسین تەنیا گام یەکەمە ئەرا هاتنەوەی ژیان سرووشتی، ک بایەسە واکسینەگە وەئاست بەرزیگ کاریگەر بوود لەلای ژمارەی گەورایگ لە دانیشتوەیل، ئەرا دووپاتکردن ک واکسینەگە وەڕاسیەو دەسکردە نەمەنی.
و ئەرا زانستن کاریگەری هەر واکسینیگ لە وەناوبردن پەتای کۆرۆنا، ئەرا رەسین وە تووشهاتگ ژمارە سفر، تۆێژینەوەکارەیل ئەمریکی نموونەیگ ژمێریاری وەکار هاوردن ئەرا سینیارۆیلیگ جوورا جور لەی باوەتە، وەگورەی تووڕ سی ئێن بی سی خەوەری ئەمریکی.
ئەنجامەیل سیناریۆەگان دەرخستن ک ئەگەر ٧٥ لەسەد لە دانیشتوەیل واکسینەگە وەرگردن، بایەسە وەئاست ٨٠ لەسەد گورج بوود ئەرا لەناوبردن پەتاگە وەشیوەیگ تەواوەتی وەبی ریکارەیلیگ تر.
ئەرا رەسینەوە وەی ئەنجامە، نموونەیگ بەیمن لە کاریگەری واکسینەگە لە کەمەوکردن تووشهاتن فلاوەنزای ئاسایی ک ساڵانە لە جهان مەلیۆنا ئایەمەیل تووشی تیەن، وەتایبەت لە وەرز زمسان.
ناوەندە ئەمریکیەگان ئەرا کۆنتڕۆڵکردن بیماریەگان ومقەیەتی، لەی باوەتە ئووشن؛ واکسین وەرگردن دژوە فلاوەنزا مەترسی لە تووشهاتنە وەرێژەی ناوبەین ٤٠ لەسەد و ٦٠ لەسەد کەمەوکەێد، وئەوەسا ئیمە وەگەردیا ژیان کەیمن.
بەڵکم ئەو ژمارەیلە ک توێژینەوکارەیل خستنەی وەردەس لەباوەت هەر واکسین هاتگیگ دژوە ڤایرۆس کۆرۆنا گونجیاگ نیە ئەرا ئەنتونی فاوچی و وەڕێوبەر پەیمانگەی نیشتمانی ئەرا حسەساسیە و بیمارە پەتاییەگان لە ئەمریکا.
ک پیاوەگە باس ئومید خوەی کرد لە وەدەسکەفتن واکسین کاریەگەریگ وەرێژەی ٧٥ لەسەد لە خاسترین دەرفەت، هەرچەن وەڕێوبەردن خواردەمەنی ودەرمان ئەمریکی لە تەمووز گوزەیشتە وت ئەوسا ری دەێدە واکسینیگ تەنانەت ئەرا کاریگەریی لە ٥٠% زیاتر نەوود.
نووسەرەیل توێژینەوەگە ک لەبنەمای سیناریۆ نووسیاگە وتن مزگانیەگە ئەوەسە ک واکسینیگ وە رێژەی کاریگەری لەناوبەین ٦٠ لەسەد و ٨٠ لەسەد شایەت کاریگەریەگی بمینێد لەبان پەتاگە، ک خوازینەگە ئەرا ریکارە مقەیەتیەگان کەمەوکەێد.