شەفەق نیوز/ دەسڵاتدارەیل فەرەنسا لەماوەی رووژەیل (دووشەممە، سێشەممە) ۲۰ مەکتەو لە خوەنەواریل چوڵەو کردن، لە دویای ئەوەگ لەڕی ئەنتەرنێت هەڕەشە وە تەقینەوە و بۆمب کریان.
مەکتەوەیل ک چووڵەو کریانە بریتین لە پەێمانگا و مەکتەو دویاناوەندی لە پاریس پایتەخت فەرەنسا، وەپای ئەوەگ ماڵپەڕ "یورو نوز" راگەیانیە.
وەپای وەزارەت پەروەردەی نیشتمانی فەرەنسا هەڕەشەیلیگ رەسیەسە داڵگ و باوگەیل لەری نامەیل ئەڵکترۆنی ک ریەی تایبەتیگە ئەرا پەیوەنی مابەین مامووستا و خوەنەوار و داڵگوباوگ.
هەڕەشەیل لە کرداریگ دزین ئەلکترۆنی بوی لە ری دزین ئیمەێل خوەنەواریگ و کلکردن نامەی هەڕەشە، هەنای پۆلیس خاوەن ئەکاونتەگە دەسگیرکرد دویایی ئازادی کرد چوینکە راسیەگە ئاشەرا بووی ک رویوەڕوی هاک کردن بویە.