شەفەق نیوز/ گریگ ئەپوت حاکم ولایەت تیکساس ئەمریکی، ئمڕوو سێسەممە، راگەیان هەڵگردن فرەی قەیەغەکان پەتای کۆڕونا، ولاوردن دەمامەک، و دیاریکردن چالاکیە بازرگانیەکان.
گریگ ئەپوت لە وتاریگ دووپات کرد ک خوەی مەزەنە کەێد مەردمەگە وەرپرسایەتی کەسایەتی خوەیان ئەرا مقەیەتیکردن خوویان هەڵگرن، و دانیشتوەیل تیکساس رەفتار رووژامەی خاسیگ وەجیهاوردن تا تووش کۆڤید-١٩ نان.
و دیاری کرد ک وەلایەتەگە لە ١٠ی ئادار ئایندە چەسپانن وەکارهاوردن دەمامەک هەڵگرێد، و ری وە گشت چالاکیە بازرگانیەکان وە رێژەی ١٠٠ لە سەد دەێد.
وتیش؛ هیمان کۆڤید-١٩ لە تیکساس و لە ئەمریکا و لە گشت جهان هەس، بەڵکم لە خاسەوبویەکان و تاقەبەشە واکسینەکان و کەمەوبوین ئەو تووشهاتنەیلە ک ناچار خەسەخانە کەن، دیارە ک رەوشەگە لە تیکساس ئیسە فرە خاسترە.