شەفەق نیوز/ وە ملیۆنا کولە (مەڵۊە) دیرێد فرەیگ لە ناوچە و شارە گەورەیل ئەفریقیا داگیر کەێد، دۊاجار ڕێژەی فرەیگ لە کولە پەلامار وڵات كینیا داگە و شۊن وە شۊن داگیر كردنە، وەرجە ئیسە ئەو کولەیلە لەناو زنجیرە کۊیەیل ئەو وڵاتە بۊنە، باوجی وەی دۊاییە هاتنە ناو شارەیل و پەلامارەیلیان وەرەو كێلگە كشتوكاڵییەیل خەستر كردنە، و هەرچە بكەفێدە وەردەمیان لەوەڕنەی.
وەیجۊرە ژیان لە مەردم ناوچەگەیش بەد کردنە، لەوەر ئەوەگ داوای دەسمیەتی لە نەتەوە یەكگرتگەیل كردنە تا چارەسەر ئەو گرفتەیلە بكەن.
هەرچەن بڕ فرەیگ لەلیان ڕاو کریەن و ئەرا وڵاتەیل چین و یابان کلکریەن، تا بكریەێدە خواردن، باوجی شمارەیان ئەوەنە فرەس لە بن نیەتیەن.
پسپۆڕەیل باڵندە و خشیەگان ئاشکەرا کەن ک نەمان خوەراک لە شۊن ئەو كولەیلە لیواکردیە ک کووچ بکەن ئەرا ناو شارەیلە.