مونتەزەر مەهدی ئەرا ئاژاتس مهر ئیرانی وتیە؛ پولیس چەودیاریکردن داوای میللەت لە جویراجویر گشت و دامەزراوەیل کۆمەڵایەتی کەێد، وەگەرد دووپاتکردن سەرۆکایەتی کۆمار و دادوەری لە چوارچیوەی یاسا.

وتیش؛ گلەوخواردن ئی هیزەیلە ئەرا فراوانکردن ئاسایش گشتی و قایمکردن بنەڕەتەیل خیزان تیەێد.

وتیش؛ لە رووژ یەکشەممەو، ماشینەیل و پولیسەیل وەپا لە گشت وڵاتەگە دەسکردنە گەردین و گشت ئەرکەیل پولیس جیوەجی کەین، لەلیان هوشداریکردن و جیوەجیکردن ریکارەیل یاسایی لەبان ئەوانەگ ریسگایل کۆمەڵگا وە پڕتاڵ نایاسایی شکنن.

وتیش؛ مەزەنە لە گشتی کەیمن وەتایبەت دویەتەیل وڵاتمان کە بانان ئی وڵاتە پشت وەپیان بەسێد، ک دەسمیەتی لە یەکپارچەیی کۆمەڵایەتی و بیوەیی گشتی بیەن.

سیمای کەنین لەچگ سەر (حیجاب) بویە کار فراوانیگ، لە پشت کوشیان مەهسا ئەمینی (ژینا) ئەو دویەت کوردە لە تەمەن ٢٢ ساڵان وەدەس پولیس ئەخلاق.