شەفەق نیوز/ ١٢ کەس گیانیان لەدەس دان و ٢٩ کەسیش زەخمدار بوین وە رویداو هاتوچو دڵتەزنیگ لە شار یوزغات ناوڕاس تورکیا.
نویسینگەی پارێزگار یوزغات لە بەیاننامەیگ وت: پاسیگ لە بان ری شارەگە مەوقەی چگنی لە ویلایەت سیواس وەرەو شار ئەستەنبوڵ پلیایە.
یەڵماز تونغ وەزیر داد تورکیا لەبان پلاتفۆرم "X" وت: دەسەڵاتەیل دادوەری لێکۆڵینەوە لە رویداوەگە واز کردن.
جی باسە کە ویلایەت خانای باشوور تورکیاڕ لە مانگ گوزەشتە، رویداویگ هاتوچو دڵتەزن وەخوەی دی، ١٢ کەس لەناوی کوشیان و نزیکەی ٣٠ کەسیش زەخمدار بوین، لە ئەنجام لەیەکداین ماشینیگ بارهەڵگر وەگەرد بڕیگ تەرک لە ماشینەیل.