شەفەق نیوز/ وەڕێەوبەرایەتی گشتی وەڕیەوبردن قەیرانەیل لە پارێزگای فارس باشوور ئیران، ئمڕوو شەممە، خەوەردا لە کوشیان ١١ کەس و بیسەروشۊنی ١٣ کەستر، لە رویداو لافاویگ پە چەم رودبال لە شار ئەستبهان.  

ئاژانس "ئیرنا" لە زوان خەلیل عەبودۆڵاهی لە وتاریگ لەی باوەتە وت: ئەو واران رفتە لە شار ئەستبهان نزیک سوڵتان شەهباز لافاو لە بەنداو رودبال هاورد.  

وتیش: وەگورد لافاوەگە، تیمەیل فریاکەفتن و رزگارکردن رەسینە شوینەگە تا دەسمیەتی ئەوانە بیەن ک کەفتنە وەر لافاوەکە.  عەبدولڵاهی وتیش: تیمەیل فریاکەفتن و رزگارکردن وهیزەیل سەربازی ٥٥ کەس لە لافاوەگە رزگار کردن.   

و دیاری کرد ک ١٥ ماشین کەفتنە ژیر ئاو، ١٢ لەلیان دراوردن.  

جی باسە ک شار ئەستبهان کەفێدە ١٧٤ کیلومەتر ئەولای شار شیراز ناوەند پارێزگای فارس باشوور ئیران.