شه‌فه‌ق نيوز/ ئاژانس ناوده‌وڵه‌تى وزه‌ى ناوه‌كى، باس له‌وه كرد ئيران ده‌سكرده‌سه هه‌وڵه‌يل زياتريگ له‌باره‌ى پتاندن يۆرانيۆم و گام وه‌ره‌و ئه‌و كاره نه‌ێد ك هه‌رچه‌نى ئى كاريشه قه‌يه‌غه‌رياگه وه‌گووره‌ى ريككه‌فتن ئمزاكرياێ ئه‌تۆمى.
ئه‌و ئاژانس سه‌ر وه نه‌ته‌وه‌يل يه‌كگرتگه له به‌ياننامه‌يگ وت: گشت ده‌زگايه‌يل ده‌ركردن ناوه‌ندى ئاماده كريامه ئه‌را تاقيكردنه‌وه له‌ڕێ وه‌كاهاوردن شه‌شه‌م فلۆريد يۆرانيۆم ك هه‌رچه‌نى ئى تاقيكردنه هويچكام له‌لى تاقيه‌و نه‌كرياگه وه‌و ماده له هه‌فت و هه‌يشت سبته‌مبه‌ر ئيسه.
جى باسه، يه‌يش له‌وه‌ختيگه زويتريش ته‌هران ئاشكراى كرد، ك ده‌سكرده‌سه وه‌كارخستن ئه‌و ده‌زگايه‌يل ده‌ركردن ناوه‌ندى پيشكه‌فتگه ك كارى ئه‌وه‌سه خه‌زينى له يۆرانيۆم زياێ بكا، ئه‌ويش له چوارچێوه‌ى داوه‌زانن تازه‌ێ پابه‌نديه‌يلێ له ريككه‌فتن ئه‌تۆمى.