شەفەق نیوز/ ١٧ دەوڵەت ئەندام یەکێتی ئەوروپا، ئمڕوو چوارشەممە، رازی بوین لەبان قەیەغەکردن فرووشتن ماشینە نووەیل ل کار وە بەنزین و گازۆیل کەن هەرلە ساڵ ٢٠٣٥ وەرەولا، وهەمیش لە تەقەلای کەمەوکردن تەکان کاربۆن.  

ئی پڕۆژە لە تەمووز ٢٠٢١ کۆمسیۆن ئەوروپا ئاشکرای کرد ک وە ئامانجیل ژینگەیی و کەمەوکردن تەکان دووانەی ئۆکسید کاربۆن لە کشوەرەگە و رەساننی ئەرا سفر ئی تەقەلا دریەێد. 

بڕیارەگە ک وەزیرەیل ژینگەی ئەوروپا لە گردەوبوین لوکسەمبورگ لەبانی واژوو کرد، قەیەغەکردن فرووشتن ماشینە نووەیل ک وە بەنزین و گازۆیل کار کردن، لەبان دەوڵەتەیل ئەوروپا چەسپنێد، تا ئمجا بکەفنە بان ماشینەیل کارەبایی.