شەفەق نیوز/ وەزارەت دەرەوەی ئەمریکا، ئمڕوو جومعە، پیشوازی لە بڕیار دادگای عراقی کرد، وە زیندانیکردن و سزادان توومەتبارەیل لە کوشتن هاوڵاتییگ ئەمریکی، ستیڤن ترۆل، لە بەغدا.
نویسینگەی قسەکەر فەرمی ماسیۆ میلەر، لە بەیاننامەیگ کە ئاژانس شەفەق نیوز دیەسێ وت: " پیشوازی لە بڕیارەگەی دادگای عراق کەێمن ئەرا دەسگیرکردن و سزادان شمارەیگ کەس و دەرکردن سزا ئەرایان وە توومەت تیرۆر کە پەیوەنی وە کوشتن هاوڵاتی ئەمریکی ستیڤن ترۆل دیرێد".
وتیش: " بایەسە گشت ئەو کەسەیلە وەرپرسن لەی تیرۆرکردن دڕندانەیەی (ترۆل)ە رویوەڕوی دادپەروەری و لێپرسینەوە بوون" هیوای خوەی نیشاندا " ئی بڕیارە بڕیگ دادەروەری ئەرا خانەوادەی (ترۆل)گلەودەێد.
دادگای عراقی، دویەشەو پەنجشەممە، سزای زیندانیکردن هەمیشەیی وەبان ئەفسەریگ نەقیب لە سوپای پاسداران ئیرانی و ٤ عراقی دەرکرد کە لە تەشرین دویەم 2022 هاوڵاتیگ ئەمریکی لە بەغدا کوشتنە.