شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو پەنجشەممە، راگەیان تۆمارکردن چوار مردن وە ڤایڕۆس کۆڤید-١٩ لە ناوچەیل ئیدارەی سەروەخوەیی.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: مردنە نووەکان ئەرا سێ پیاو و یەک ژن لە ریقە تۆمار کریان.
موستەفا وتیش؛ ٣٨ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی ئەرا ٢٥ پیاو و ١٣ ژن تۆمار کردن.
تووشهاتنە نووەکان وەیجوورە بەشەوە بوین: ٣ حەسەکە، ١٥ قامیشلۆ، ١ دێریگ، ١ رمێلان، ٦ ریقە، ٧ تەبەقە، ٤ دێر زۆر، ١ مەنبج.
جی باسە ک ژمارەی تووشهاتنەکان وە ڤایڕۆس کۆڕۆنا لە ناوچەیل ئیدارەی سەروەخوەیی رەسیە ٨٧٥٥، لەلیان ٣٣٥ مردنە، و ١٢٥٣ خاسەو بوینە.