شەفەق نيوز/ بڵاوبۊن فراوان ڤایرۆس کۆڕۆنا لە ئیران وەردەوامە، و گیان خەڵک فرەیگ لە ئیران درەو کەێد، ک وەزارەت تەندروسی ئیران راگەیان شمارەی قوربانیەیل کۆڤید- ١٩ لە ئیران لە ١١٣ هەزار ڕەد کرد، وەگەرد بەرزەوبۊن تۊشهاتنریلە ئەرا زیاتر لە ٥ مەلیۆن.

لەو وەختە ک ئی هوژمارەیلە لە لایەنەیل فەرمی ئیران دراتنە، لایەنەیلیگ تەندروسی جۊر دامەزراو سیستەم پزشکی ئیرانی، باس کردن ک شمارەی قوربانیەیل کۆڕۆنا راسیەگە، وە چوار قات لە ئامارەیل فەرمی حکومەت ئیران فرەترە.

واتە، وەگورەی رەوانگەکارەیل؛ هەژمار قوربانیەیل پەتای کۆڕۆنا لەماوەی زیاتر لە یەک ساڵ و نیم، رەسیە نزیکەی نیم مەلیۆن کەس، ک خوەی دووقات قوربانیەیلە لە جەنگ ئیران – عراق وە ماوەی زیاتر لە هەشت ساڵ.

لەی چواچیوە، بەهرام عەین ئیلاهی وەزیر تەندروسی نوو، وە بەراوردی ئامار کوشیایل جەنگ ئیران و عراق لە ئیرانیەیلە وەرانوەر قوربانیەیل کۆڕۆنا،  دیاری کرد ک ک نزیکەی ٢٤٠ هەزار کەس لە جەنگ هەشت ساڵە، لە ١٩٨٠ تا ١٩٨٨ کوشیان، باوجی نزیکەی ١١٣ هەزار وە تەنیا ١٨ مانگ بۊنە قوربانی ڤایرۆسەگە، واتە مردگەیل کۆڕۆنا لە مردگەیل ئەو جەنگە فرەترن.

رێژەی رووژانەی مردنەیل کۆڕۆنای ئیسە رەسێدە٦٠٠ کەس، و ئەوە هەژمار گەپیگە، نشان قۊیلی نەهامەتییە دەێد.