شه‌فه‌ق یوز- ئه‌ڕا ئه‌ربه‌عین ئمساڵ، ده‌وڵه‌ت عراق وتگه ک نوای چگن بغه‌یران وه عراق دگرێ.

دۊمای یه‌، ئوستاندار ئیلامیش وت: وڵات ئه‌ڕا چگن وه که‌ربه‌لا، نه‌یان وه مێهران، چوون سنوور ئێران و عراق به‌سریاگه‌و ئمساڵ پرسه و پوو و چه‌مه‌ری و چایینه و سینگ‌کوتان و قه‌تڵ کردن نه‌دگیردرێ و له چگن بغه‌یران وه که‌ربه‌لا و عراق، نوواداری دکه‌ن.

ره‌ییس ستاد ئه‌ربه‌عین ئێرانیش، ویریاری دا وه وڵات ک ئمساڵ وه‌ر ئه‌و عراق نه‌چن و گێوه وه مکیس عه‌شیره‌یل عراقی نه‌ده‌ن چوون جوور جارجاران رێگایله ئه‌ونه‌کریانه‌سه‌و.

ئه‌و له مه‌ردم خواست ک رێ ول نه‌خه‌ن وه وه‌ر خوه‌یان و مه‌ینه‌ت دروو وه سنگ گواریان له سنوور وه خوه‌یان نه‌ده‌ن ک ئی داخوازه سه‌ر نه‌دگرێ.

ساڵان و جاران، نزیکه‌ی دو و نیم ملیوون زیاره‌تچی ئه‌ربه‌عین، ده دوور و نزیک چله‌ی شه‌هیده‌یل که‌ربه‌لا له مێهران دگوریان و دواره هه‌ له مێهرانه‌و گل دخواردن وه‌ر ئه‌و نام ئێران.