شەفەق نیوز/ وڵات چین پیلان دیرێد ئەو پرتاڵەیلە هێما یا نویسین هالەقەێ و کەسەیلیگتر گاڵدەێد وە پوشینیان قەیەغە بکریەن و سەرپیچیکەرەیلیش رویوەروی سزای قورس کریەن.
وەپای خەوەریگ کە ماڵپەڕ "بی بی سی" عەرەبی بڵاویکردیە، وڵات چین قەیەغەی ئەو پرتاڵەیلە کەێد کە وشەی چاپکریاگ یان لۆگۆی سەربازی هالەقەیان.
هەمیش بڕیارەگە ئەو کەسەیلە گرێدەو کە باوەتیل "سووکایەتی کردن، ناوزڕانن کەسە ناودیارەیل و کەسە سیاسییەگان و تێکدان پەیکەرەیل" بڵاو کەن یان گاڵدەن ئەرا ئی جویر کارەیلە.
لە بەیاننامەگە هاتیە ئەو کەسەیلە لەبان ئی کارەیلە سزا دریەن وە بڕ 680 دۆلار لەلیان وەرگیریەێد هەمیش هاتێ ماوەی 15 رووژ دەسگیر بکریەن.