شەفەق نیوز/ نیکۆلاس مادورۆ، سەرۆک ڤەنزوێلا، دویای ئەوەگ وەگەرد ئیلۆن مەسک وردەوردە لەناوەینیان دروسبوود بڕیاردەن ماوەی 10 رووژ پلاتفۆرمەگە لەو وڵاتە قەیەغەبکرێد.
مادورۆ راگەیان، کۆمیسیۆن نیشتیمانی پەیوەندییەیل ڤەنزوێلا ئەرا ماوەی 10 رووژ تووڕ کۆمەڵایەتی ئێکس لە ڤەنزوێلا قەیەغەکەێد، مەسک وە "گاڵداین رق و فاشیزم و شەڕ ناوخوەی" تۆمەتبارکرد و وتیش بویەسە هووکار "مردن و رویوەڕوی بویین لەناوەین ڤەنزوێلاییەگان"، هەمیش دیاریکرد مەکس گشت یاساگان تووڕەیل کومەڵایەتی خوەی پێشلکردیە.
وردەوردەی ناوەین مەسک و مادورۆ لەو وەخەو دەسوەپی کرد کە مەسک لە پۆستیگ پلاتفۆرمەگە نویسانیە :"شورەییە ئەرا مادورۆی دیکتاتۆر" هەمیش سەرۆکەگەی وە ئەنجامدان ساختەکاری لە هەڵوژاردن وڵاتەگەی توومەتبارکرد.