وەگورەی راپۆرتیگ لەلایەن رووژنامەی "فاينانشاڵ تايمز" بەریتانی، وەگەرد گلەوخواردن فەرمانبەر و کراکارەیل لە پشوو ساڵانە، و دەسکردن وە ساڵ خوەنەواری نوو، حکومەتەیل و دروسکەرەیل واکسین ئامادەکاری کەن ئەرا هەڵەمەتەیل نوویگ لە واکسین کوتان ئەرا نواگیری ئەو ئاڵشتبویەیلە کە وەزوی بڵاو بوون، تا وەرخودان پیرەیل و خاوەن بیماریە رخبەرەیل و درویژ ماوە قایم بکەن.

وەگورەی راپۆرتەگە، پسپۆڕەیل دیاری کردن کە بیرکاری کۆڤید-١٩ جویر ئەنفلەوەنزای وەرزی چارەسەر نیەکریەێد، لە وەختیگ ناوەندەیل کۆنتڕۆڵکردن بیماریەیل هوشداری لە ئاڵشتبوی نوویگ وەناو  "BA.2.86" دان، کە هاتێ توانای تویشهاوردنی لەلای ئەوانەگ وەرجەیە تویش کۆڤید-١٩ هاتنە زیاتر بوود، یا ئەوانەیش واکسین بردنە، و گاڵ ئەرا وەکارهاوردن دەمامەک دا لە شوینەیل گشتی.

ئەنجیلا راسموسن خانمە زانای ڤایرۆسەیل لە زانکۆی ساسکاچوان لە کەنەدا دووپات کرد کە گشت مەرجگراوەیل تەواو بوون، ئەگەر ئاڵشتبوییگ هاتە دی کە بتوەنێد زیاتر لە ئومبکرۆن تویش بارێد.

وتیش؛ ئەوەیان تویشهاتن زیاتر دوینیمن، و گرنگ نییە تەنیا لە وەرز زمسان بوود.