شەفەق نیوز/ زانایل گەردون، ئمڕوو چوارشەممە، راگەیانن ک سەنگیگ ئاسمانی گەپ، وە قەوارەی تاوەر ئیڤڵ، تیەێدە نزیک زەوی لە ٢٦ نیسان، و تونیەگەی رەسێدە ٦٢٦٣٨ کێلومەتر لە ساعەتیگ.
ئاژانس ناسا باس ئەو نیمچە ئەسارە کەێد وەناو 2006 HV5 ک ئویشێد هاتێ رخبەر بوود، چوینکە فرە گەورەس و ئەگەر دادە زەوی زەرەد گەورە لەلی بوودەو.
ئەو سەنگ ئاسمانیە ک پانیەگەی وە نزیکەی ٣٠٠ مەتر مەزەنە کریەێد، وە دویری ٢.٤ مەلیۆن کێلومەتر وە شان زەوی رەد بوود، ک نزیکەی ٦.٣ ئەوەنەی دویری مانگە لە زەوی.
هەرچەن ئی دویریە رخ کەسیگ نیەوەێد، باوجی لە روی گەردونناسی وە نزیک دریەێدە قەڵەم.