شەفەق نیوز/ دەسەڵاتەیل ئەندەنووسیا، ئمڕوو یەکشەممە، وتن؛ گڕکانیگ لە دوورگەی هالماهیر وەشیوەی گەپیگ هەڵپووقیا و ئەوریگ لە خەڵکەوە وەرەو ئاسمان وەشان، کە ناچار دەسەڵاتەیل کرد مەردم لە هەفت ئاوای نزیکی درارن.
گڕکان ئیبو شەو شەممە هیز گرد، و خوڵەکوو وە بەرزی چوار کیلۆمەتر وەشان، و کڕەیل تریشقە لە دەور دەم گڕکانەگە دیار دا، وەگورەی ئەو زانیاری و ینەیلە کە وەلایەن ئاژانس زانست گڕکانەیل ئەندەنووسیا بڵاو کریا.
عەبدولمهاری لە دەسەی وەڕیەوبردن کارەساتەیل لە بەیاننامەیگ وت: تیمیگ لە پولیس و سوپا و وەرپرسەیل مینەکردن و رزگارکردن کلکریا ئەرا دراوردن خەڵک ئاوایەیل نزیک گڕکانەگە.
وینەیل نشان کارەیل دەسمیەتیان پیرەیل دان و بردن مەردم وە بارهەڵگرەیل بویچگ وەرەو شوینەیلیگ ترەک وەشەو.
رووژ پەنجشەممە، ئازانس زانست گڕکانەیل ئەندەنووسیا ئاست ئاگاداری لە گڕکانەگە ئەرا بەرزترین ئاستی رەسان، کە لەی مانگە چەن جاریگ هەڵپووقیاس.