22 ناوچەی هەڵوژاردن لە وڵاتەگە واز کریا، دویای ئەوەگ دەنگدان مانگی ئازار گوزەشتە لەلایەن سیاسەتمەدارەیل کوینەپەرس زاڵ بوی.
لە تەهران پایتەختیش 16 جیگر لە 32 کاندی هەڵوژیەن کە گشتیان کوینەپەرسن.
مەزەنە کریەێد ئەنجام کۆتایی رووژ دووشەممەی ئایندە ئەنجام بیریەێد، هەرچەن هاتێ وەرجە ئەو زەهتە شماردن دەنگەیل لە ناوچە بوبچگەیل هەڵوژاردن ئەنجام بیریەێد.
تەلەفزیۆن دەوڵەت ئیران گرتە ڤیدیۆییەیل ئایەتولڵا خامنەئی ریبەر باڵای شووڕشوئیسلامیی ئیرانی، ئمڕوو جمعە بڵاو کردن دویای وازکردن بنکەیل دەنگدان.
خامنەئی داوا لە خەڵک کرد دەنگ بیەن و وت: هەڵوژاردن خول دویەم لە هەڵوژاردنە سەرەکییەگە کەمتر گرنگ نییە.
جی باسە لە هەڵوژاردن مانگ ئازار گوزەشتە کوینەپەرسەیل لە بڕ ٢٤٥ کورسی ٢٠٠ کورسی وەدەس خواردن و کاندیدەیل میانڕەوتر ٤٥ کورسییەگەی ترەک بردن. بڕ گشتی ٢٥ ملیۆن دەنگ دریا، کە ریژەی بەشداریکردن کەمیگ کەمترە لە ٤١%.