شەفەق نیوز/ حکومەت خۆجێیی لە پارێزگای هەڵەبجە، ئمڕوو سێسەممە، باس نیازی کرد لە وازکردن سێ مەرز سنووری وەگەرد ئیران تا ئاست گواستنەوە و هاوکاری بازرگانی بەرزەو بوود.
کاوە عەلی جیگر سەرۆک حکومەت خۆجێیی لە کۆنگرەیگ رۆژنامەوانی وەگەرد مەهدی شوشتەری قونسڵ ئیرانی لە سلێمانی وت: هەڵەبجە بڕێ پڕۆژەی خزمەتگوزاری ئاماژەی جیوەجیکردن دیرێد، وتیش؛ حکومەت عراقی ٢٥ ملیار دۆلار ئەرا جیوەجیکردن ئەو پڕۆژەیلە تەرخان کردگە.
وتیش؛ لە ئاست هەرێم کوردستان چەن پڕۆژەیگ هەس ک ئەوەسا لە پارێزگاگە جیوەجی کریەن.
دەربارەی بازرگانی ناوبەین ئیران و هەڵەبجە، عەلی وت: ئەوەسا هەرلە مەرز نەویلە، و پشدەر، و سازان وەگەرد ئیران واز کریەن، و ریکارەیل ئی چوارچیوەی وەرەو جیوەجیکردن روی کەن، وئومید وە گەشەی زیاتر لە ئابووری هەڵەبجە لە ئاست هەرێم کوردستان و عراق دیریمن.
لەلای خوەییش، مەهدی شوشتەری وت: خوەشحاڵیمن و وەگشت شانازییگ م کە کۆمپانیای ئیرانی گەورە هانه پێشکەشکردن خزمەتگوزاری لە پارێزگای هەڵەبجە.