شەفەق نیوز/ وەزارەت تەندروسی فەلەستین لە کەرت غەززە ، ئمڕوو شەممە، راگەیان وەپای ئامارەیل شمارەی قوربانیەیل رەسیەسە ئەوبان 12 هەزار کەس.
وەپای بەیاننامەیگ وەزارەتەگە بڵاویکردیە راگەیان، "شمارەی زەخمدارەیل کەرت غەزە 30 هەزار کەس رەد کردیە کە فرەیگیان ژن و مناڵن لەهەمان وەخت شمارەی کوشیاگەیل بەرزەوبویە ئەرا بان 12 هەزار کەس".
جەنگ ناوەین ئیسرائیل و چەكدارەیل حەماس لە رووژ ٧ مانگ وەرین دەسوەپیکردیە و تا ئیسە وەردەوامە، بویەسە مدوو ویرانبوین بەشیگ فرە لە باکوور کەرت غەززە و ئاوارەبوین زیاتر لە ملیۆنیگ و 600 هەزار کەس لە دانشتگەیل ئەو ناوچە کە وە ناچاری روی کردنەس باشوور کەرت غەززە.