شەفەق نیوز/ پولیس ئەمریکا، ئمڕوو یەکشەممە، زەخمداری پەنج کەس لە رویداویگ تەقەکردن لە کناراو سان بیدرو لە ویلایەت لۆس ئانجلەس ئەمریکا.
پولیس ویلایەتەگە وت: تیمەیلی روی وەرەو کناراو سان بیدرو لە لۆس ئانجلەس کردن، دویای وەرگردن ئاگاداری لە تەقەکردنیگ لەو شوینە.
پولیس دیاری کرد ک تیمەیل فریاکەفتن تەندروسی ٤ زەخمدار ئەرا خەسەخانەیل بردن، ئیجا ئاگادار لە پەنجەم زەخمدار کریان، وتیش: زەخمەیلیان سەخت بویە.
پولیس وتیش: ئەو کەسە ک گومان لەلی کریایە توەنستیە بواێد، و مینەکردنی وەردەوامە، وتیش: ئەوەسا کناراوەگە بەسیەێد تا لێکۆڵینەوە تەواو بوود.