شەفەق نیوز/ دادگایگ پاکستانی، ئمڕوو پەنجشەممە، فەرمان وەسێدارەدان لەبان کابرایگ لە بنەماڵەی ناوداریگ لە چین پیشەسازی دەرکرد، دۊای ئەوەگ سەر دۊتیگ بڕێد ک لە مناڵییەو وەیکەو گەورە بۊنە، چۊنکە رازی نەۊە شۊ وەپی بکەێد.
دادگا وت: زاهر جەعفەر یەماوەی درۊژیگە پەیوەندی برادەری وەگەرد نور موقدەم دیرێد، ک دۊت پیاویگ دیبلۆماسییە، و تەمەنی هالە ٢٧ ساڵان، و رازی نەۊە شۊ بکەێدە پی.
وتیش: رۊداوەگە لەماڵ جەعفەر بۊە لەیەکیگ لە ناوچە باڵایلەی ئیسلام ئاباد پایتەخت، و دیاری کرد ک دۊتەگە خسەی لە پەنجەرە خستیە، باوجی جەعفەر گردیەسەی و کوشتیەسەی.