شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو دووشەممە، راگەیان تۆمارکردن ١١ مردن وە ڤایڕۆس کۆڤید-١٩ لە باکوور و خوەرهەڵات سوریا.
جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: مردنە نووەکان ئەرا پیاو و ژنیگ لە حەسەکە و پیاویگ و دوو ژن لە قامیشلۆ و دوو پیاو لە دێرک و سێ پیاو لە دێر زۆر و پیاویگ لە مەنبح تۆمار کریان.
موستەفا دووپات کرد ک ٢٥٣ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی تۆمار کریاگە، و هەمیش وەگەرد ١٧ خاسەوبوین نوو.
تووشهاتنە نووەکان وەیجوورە بەشەوە بوین: ٤٦ حەسەکە، ٢٣ قامیشلۆ، ٢٤ دێرک، ١٢ دەرباسیە، ٤ کەرکی لەکی، ٤١ ریقەی، ٧ دێر زۆر، ٢ کامپ هۆل، ٣ شەهبا.
جی باسە ک ژمارەی تووشهاتنەکان لە ناوچەیل ئیدارەی سەروەخوەیی رەسیە ٢٥٣٢٩، لەلیان ٥٣٠ مردنە، و ١٥٥٥ خاسەو بوینە.