شەفەق نیوز/ شەپوول گەرمی سەختیگ داگە چەن ناوچەیگ لە باشوور ئەفریقا لەی هەفتەی دویاییە، بویە هوکار مردن ٨ کەس وەلای کەمەو وە ماوەی چەن رووژیگ.
وەزارەت کار لە باشوور ئەفریقا وت: فرەی قوربانیەیل کار کشاورزی کەن لە ناوچەی کاب باکوور ک بەشە گەورەگەی نیمچە بیاوانەو مەردم فرەیگ لەناوی نییە، ک کەفێدە شان نامیبیا و بوتسوانا.
مایکل کورین قسەکەر حکومەت لە بەیاننامەیگ وت: هەس وە نیگەرانی لەو کەشوهەوای گەرمە کەیمن ک بەشیگ لە ناوچەیل باشوور ئەفریقا وەخوەی دوینێد.
وتیش: خەفەتباریمن وە مردن ٨ کەس لەوەر خوەرەگە لە کاب باکووری، دویای شەپوولیگ گەرمی لەی هەفتە.
بەشیگ لە ناوچەیل وڵاتەگە پلەی گەرمی لەناویان رەسیە ٤٠ پلەی سیلیزی.