شەفەق نیوز/ پولیس شار کوولورادۆ سپرینگس، ئمڕوو یەکشەممە، کوشیان ٥ کەس و زەخمداری ١٨ کەس وە تەقەکردن لەناو یانەیگ شەوانە لە ویلایەت کولورادۆی ئەمریکا راگەیان.

لیفتنانت بانیلا کاسترۆ لە پولیس کولورادۆ سپرینگس ئەرا میدیایل راگەیانن وت: پولیس ئاگاداری وە تەلەفۆن وەرجە نیمەی شەو یەکشەممە لەباوەت تەقەکردن لەناو یانەی (کلۆپ کیو) وەرگرد.

پولیس وتیش: ئەو پەلامارە وە چەکیگ کریاگە ک هیمان نیەزانیمن چەس.

وتیش: ئەو جادە ک رویداوەگە لەناوی بویە هەر وەبەسیاگ مینێد، و داوا لە هاوولاَتییەیل کرد وەرەو ناوچەگە رەد نەوون.

تەرم قوربانیەیل و زەخمدارەیل ئەرا چەن خەسەخانەیگ لە ناوچەگە بریا، و نویسینگەی لێکۆڵینەوەی فیدراڵی کەفتیەسە دەسمیەتی پولیس.