شەفەق نیوز/ تووڕ "سی ئێن ئێن" ئەمریکی، ئمڕوو شەممە، باس ئەوە کرد ک مانگەیل دەسکرت رەوانگەی شاندەیکیگ رووس کردن، لە تەهران تاقی فڕۆکەیلیگ بێفڕۆکەوان کەن توانای هەڵگردن مووشەکەیلیگ دیرن، ک وەشاننیان هویردە. 

تووڕەگە وت: شاندیگ رووس دوو گلە لەلای کەمەو سەردان فڕۆکەخانەیگ لەناوڕاس ئیران کرن، وەگورەی وینەیلیگ لە مانگەیل دەسکرت کەفتنە دەس.  

وەرپرسەیلیگ ئەمریکی ئەرا تووڕوگە وتن: تەهران فڕۆکەیل بێفڕۆکەوان لە چین "شاهد-١٩١" و "شاهد-١٢٩" لەناو فڕۆکەخانەی باشوور تەهران، لە مانگ حوزەیران،  خستنە وەردەس شاند رووسیا ئەرا فرووشتن، و هەردەگ چینەگە توانای هەڵگردن مووشەکەیلیگ هویرد دیرن.   

جیل سولیفان ڕاوێژکار ئاسایش نەتەوەیی ئەمریکا وت: زانیاری دیریمن ک حکومەت ئیران ئامادەکاری کەێد تا سەدان لە فڕۆکەیل بێفڕۆکەوان بەێدە رووسیا، ولەناویان هەڵگەر چەک هەس.

سوليفان وتیش: هایمنە ئەو باوەڕە ک شاندیگ فەرمی رووسیا وەی دویاییە نووڕیەسە فڕۆکەیل بێفڕۆکەوان ئیرانی ک توانای پەلامار دیرن.