شەفەق نیوز/ ژنیگ ئوسترالی، وە رویداو ئەڵاجەوییگ گیانی لەدەسدا، هەنای ماشینیگ لەری دەرچگ، و چیە ناو ماڵەگەی.

رویداوەگە لە خوەرئاوای سیدنی بوی، ک تیمەیل فریاکەفتن ئاگاداری لە رویداویگ وەپیان رەسی، ک ماشینیگ چیە ناو ماڵیگ، و رانندەگەی لەدەس پۆلیس وایە.

هەنای هیزیەیل فریاکەفتن رەسینە ماڵەگە، ژنەگە وە زەخمداری پەیا کردن.

پۆلیس و فریاکەفتن لە نیو ساوت ویڵز تەقەلای چارەکردن ژنەگە دان، باوجی هەر لەو شوینە گیانی لەدەسدا.

دویای ئەوە، پۆلیس رانندەی ئەو ماشینە دەسگیر کرد، ک ئەویش ژنیگە لە تەمەن ٢٩ ساڵان، مەوقەی رویداوەگە مناڵیگ وەگەردی لەناو ماشینەگە بویە.