شەفەق نیوز/ پەلاماریگ لەبان مەکتەویگ ناوەندی، گیان ٢٥ کەس رفان، وەگورەی راگەیانن پولیس ئۆگەندا.
پولیس وت: ئەو پەلامار تیرۆری لە ناوچەی مبوندوی خوەرئاوای وڵاتەگە بویە.
وتیش؛ ئەندامەیل هاوپەیمانی هیزەیل دیموکراتی، ک گۆمەڵەیگە ئۆگەندیە هانە خوەرھەڵات کۆنگۆ، و لایەنگری ریخریاگ داعش راگەیانن، پەلامار مەکتەو ناوەندی لەبیریرا دان، و شوین خەفتن سزانن و خورەاکەگە تاڵان کردن، ئەوەیش لە وەخت دیریگ دویەشەو جمعە.